بابكر سلك
*خرج منتخب مصر من نهائيات افريقيا بالمغرب امام السنغال
*هدف ساديو قدر ما الفار فلفلو مالقى حاجة يمسك فيها
*خرجت مصر لأنها اعتمدت على الخندقة
*على اساس الاعتماد علي المرتدات
*ولم ترتد مصر الا في الدقيقة ستة وتسعين
*خمسة وتسعين دقيقة مصر ماعارفة حارس السنغال لابس شنو
*والخندقة هي اعتراف بضعف المخندق امام المخندق امامه
*فقدت مصر الثقة في نفسها واعتمدت على الزمن يحل مشكلتها
*ولكن ضعف الشناوي شربكها
*على العموم ماكنت اتوقع ان تصل لهذه المرحلة من المنافسة
*وعلى الاخوة المصريين التعامل مع منتخب بلادهم باعتباره قد انجز بالوصول لهذه المرحلة
*واري ان السبب يكمن في ندرة المهارات في مصر في السنوات الاخيرة
*وهو نتاج طبيعي لاي دولة تعتمد انديتها على الاجانب كمحترفين
*فتضيع مواهبهم الوطنية وبضعف منتخبهم
*والكلام لينا المنططين عينينا
*مع اتحادنا ده النادي اذا فيهو طمنطاشر اجنبي
*من وين حايكون عندنا منتخب؟؟؟؟
*اللهم هل بلغت اللهم فاشهد
*اما المغرب فلقد تأهلت للنهائي امام نيجيريا القوية
*وان كنت قد حزنت لخروج نيجيريا
*الا ان المغرب تستاهل لانها قامت بمجهود خرافي لتطوير كورتها اتي اكله علي جميع الاصعدة
*ولكن لي ملاحظة
*لماذا تتعامل اجهزة الاعلام العربية مع البطولة الافريقية بعنصرية لاتمت للرياضة بصلة
*تلقي كل القنوات تتمني النصر للمنتخبات العربية المشاركة
*ومابخجلوا كمان يقولوا ليك الجزائر الشقيق ومصر الشقيقة وتونس الشقيقة
*السنغال مالها؟
*ماشقيقة؟
*ساحل العاج مالها؟
*عيبا لي
*نيجيريا دحين مابتشرف؟؟
*دعوا العنصرية فجميعنا اشقاء واشقياء
*المهم
*نرجع لي منتخبنا
*اذا كان عندنا لاعبين يحترفون بدوريات قوية
*بالتأكيد هم دعم للمنتخب
*ولكن ما اساس المنتخب
*لان اساس المنتخب هو اللاعب الوطني جيد التأهيل المتدرج تأهلا وخبرات بجميع المراحل السنية والمدارس الالتي تؤسس منذ نعومة الاظافر
*في الحالة دي ممكن نسمح بلاعب لاعبين اجانب ليحترفوا بدورينا
*لماذا هذا التحديد؟
*حفاظا علي خانات الوطنيين بدورينا لانه هو الذي يؤهل للمنتخب
*ويجيك واحد راسو مربع يقول ليك انجلترا واسبانيا وايطاليا
*ولايذكر انجلترا واسبانيا وايطاليا ديل عندهم كم محترف من اولاد هم باقوي الدوريات
*ونحنا عندنا كم محترف من اولادنا ووين؟؟؟؟؟
*لذا ولكل ذلك اتمني ان يكون المنتخب هو الهدف الاسمي
*وان لاننجر خلف ارضاء الاندية فيما يضر بخطط تأهيل الوطنيين والمنتخب
*ايها الناس
*متذكرين ناس هيثم ومحمد موسي وقبلهم ناس ابراهومة وخالد وقبلهم ناس عيسي صباح الخير وكرار ابو علي
*متذكرين ديل انضمامهم كان للمنتخبات من ياتو مرحلة؟؟؟؟
*منتخب شباب واولمبي ومنتخب كبير
*اسي
*الزول يكون (خاطر ) ساي بكرة تسمع بيهو يبرطع في المنتخب
*منتخب بي جازو اكيد بقل انجازو
*المهم
*حايكون ختام افريقيا عيد كبير
*فالمغرب شقيق والسنغال شقيق
*وماما آفريكا ام الجميع
*المهم
*عودة المدرب العام وأربعة لاعبين للسودان
*افتكر دعم كبير لمريخ السودان
*وماتسمعوا الدعايات
*بكرة ببقى ليهم بمبي
*وكلود ماببقى كاس ياناس
*ايها الناس
*راجعتوا عضوية قروباتكم وصفحاتكم؟؟؟
*ناس الشتات فيها كتار
*راجعوا الارقام الوطنية
*وازالك ازالك ازالك
*يجب ان تكون مقصا يقصقص كل المشكوك فيهم
*في هذه الحالة الشك يفسر لصالح المريخ
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*المساواة والعدالة لا تعني لينا
*انو نجيب من كل جهة زول ياوالينا
*بل تعني الكفاءة فيمن يتولي امورا لينا
*مع كامل الاحترام بالاهتمام بالهامش يا والينا
*هو نحنا عندنا صفحة ماكلها هامش يا والينا
سلك كهربا
ننساك كيف والكلب قال نحنا ذاتنا قاعدين يهمشونا لما يمرقونا الشارع ويقفلوا الباب….. البيت ده دحين مابيتنا كلنا؟
وإلى لقاء
سلك
