برضو اعدادية!

بابكر سلك

*نواصل اليوم بالدوري الموريتاني
*مباراة دورية
*ولكن في حقيقتها مباراة اعدادية
*فمشاركتنا بالدوري الموريتاني اساسا كانت للاعداد
*اضعنا الدورة الاولي هباءا بالعناد والمكابرة وحرب النجوم
*وها نحن نبدأ من جديد
*بداية جادة
*ولكنها لن تخرج عن مفهوم الاعداد
*لاننشد فيها انتصارا
*بقدر ماننشد منها شكلا يطمئن علي سير الاعداد في الطريق الايجابي
*هي الخطوة الاولي للتجانس بين اللاعبين
*والخطوة رقم صفر للجهاز الفني للوقوف علي المستويات الفردية وتوظيف المهارة لصالح المجموعة وهضم الخطط وطرائق اللعب
*والاهم من ده كلو الناحية النفسية للمنظومة
*عشان كدة
*حانتفرج علي المباراة من هذا المنطلق
*نبحث عن شخصية المريخ
*اذا وجدناها نستبشر خيرا
*وان لم نجدها لاقدر الله
*نمارس الصبر الجميل
*فمن صبر ظفر
*الوقت لم يكن كافيا للجهاز الفني كي يتعرف علي المقدرات ويوصل فكرتو
*ولا كان كافي للاعبين ليستوعبوا كل موجهات الجهاز الفني
*ولكن الوقت كان كافيا لاظهار تقدم ايجابي عن حالنا في الدورة الاولي
*واتوقع مؤشرات ايجابية في مباراة اليوم
*تعيننا علي الصبر وتسقي بذور الامل التي غرسناها في النفوس
*بهذه المفاهيم ومن تلك الزوايا يجب ان ننظر لمباراة اليوم
*المهم
*الانتدابات كانت جيدة
*ذهاب الايطالي سمح للقدامي باستعادة الولاء والانفعال الايجابي للصالح العام
*فملك البيتزا (الله لاعادو) شتت افكارنا وخلق من الفريق منطقة غير مرغوب فيها
*بلي وانجلي
*ايها الناس
*حملت الانباء خبر رحيل الصادق الفاتح المقبول وهو بريعان شبابه
*الفقد جلل
*نعزي انفسنا واسرته الكريمة في شخص شقيقه عضو المجلس محمد الفاتح
*ونسأل الله له الرحمة والمغفرة
*اها
*شفتوا كورة صنداونز واورلاندو؟؟؟
*غايتو القرعة كان لغوها
*وقالوا لي كلو فريق اختار من تقابله
*اخير لي ناس كتاااار اختيار الصمت
*انا غايتو لو في المرحلة دي كان حردت القرعة وزغت
*دي بس ياها ذاتها قصة الصعيدي
*قالوا صعايدة مشوا الادغال الافريقية
*مابتاعين موتو موتو ديك
*صعايدة تانيين
*ولموا ليك فيهم ناس قبيلة افريقية النوع البلبس القش داك
*وجابوهم للاعدام بميدان مخصص لذلك في ارض القبيلة
*سألوا الاول
*تموت بالمقصلة(المشنقة) ولا بالبندقة؟
*قال بالمقصلة
*علقوهوا في المشنقة وجروا الحبل
*مامات
*المشنقة فيها عيب
*قالوا ليهو خلاص
*ربنا كتب ليك عمر جديد
*وفكوهوا
*جابوا التاني
*اختار المشنقة
*حصل معاهو نفس الحصل مع الاول
*فكوهوا مشي
*جابوا التالت
*سألوهوا
*تموت بالمقصلة ولا البندقة
*قال ليهم بالبندقة
*الصعايدة الاتنين الاولانيين كوركوا ليهو
*قول ليهم بالمقصلة يا عويس
*قال ليهم عطلانه عطلانه
*اها ياعويس
*بالبندقة ولا المقصلة؟?؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*برغم المآسي هانت القواسي
*بس المهم نستفيد من الدرس يا والينا
*عشان تاني قشة ماتعتر لينا
سلك كهربا
ننساك كيف والكلب قال استفيدوا قبلما يقولوا ليكم انتهي الدرس ياغبي
والي لقاء
سلك