بابكر سلك
*بمبي وبقي ليك بمبي
*اغنية رقصنا علي ايقاعها ورددناها عند نهاية مباراتنا بالدوري الرواندي الذي نحتل فيه المرتبة الثانية باقتدار
*الناس البقي ليها بمبي لم تصدق ولوج هدف في شباك الزعيم
*الا وطافت تطلق الفرحة في القروبات عشان تضاري خيباتهم المتمثلة في نقطة من تسعة في آخر تلاتة مباريات ليهم
*كانت بمثابة فرح الغلابة
*وما ان ولج الهدف التاني شباكنا
*الا وقاموا بنشر فيديوهات الاهداف فرحا وتمني
*تمني ان تزيد الغلة
*انهم القلة
*قليلو النقاط صفريو الانجاز متذيلو الروليت
*ثم جاء الشوط التاني
*شوط ناس داركو
*شوط المدربين
*ناس فيتش
*بتلاحظوا اسماء الصرب ديل وشرق اوروبا عموما
*معظمهم اسمائهم بتنتهي بي فيتش
*فيتش دي بلغتهم تعني الدين
*اسي نحنا موش عندنا عماد الدين وعلاء الدين وشاع الدين؟
*هم كمان عندهم داركو الدين ويانكو الدين
*بس بي لغتهم بنطقوها داركو فيتش ويانكوفيتش
*المهم داركو الدين في شوط المدربين شغل الاغنية
*بمبي وبقي ليك بمبي
*المعلق الرواندي برضو غناها
*الروانديين ديل برضو بغنوا بمبي وبقي ليك بمبي
*لكن بي لغتهم
*بعد قوننا التالت في الدقيقة واحد وتسعين
*المعلق قعد يغني بمبي وبقي ليك بمبي بلغتهم
*غناها كده
*كاسونغو يييي يي
*فتوقف البث علي صفحات الاصفار وخلوا سيرة الكورة وبلعوا بندول اكسترا لانو في راسهم جوة كانت اغنية بمبي صاخبة بكل اللغات
*بمبي وبقي ليك بمبي
*كاسونغو ييي يي
*وفي ناس كانوا بغنوها بطريقة شرحبيل احمد
*يا اللابس البمبي
*بمبي يا بمبي
*تي تريرا را
*الجك جك جك جيك(اي جيم مكسورة)
*ايها الناس
*انها ليست ريمونتادا
*انها ليموناتا
*وتت تريرا. را
*الجك جك… جيكي جك
*المريخ ده يوم بكتل ليهو صفر
*ايها الناس
*اكتب بعد نهاية الشوط الاول من مباراتنا ضد الجزائر
*مغلوبين واحد وناقصين واحد
*لكن كواسي لو بقي كواسي الدين حتما نعود
*كواسي فيتش
*تمنياتنا للمنتخب بالستر ثم التوفيق
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تخيل يا والينا
*لو احترمنا بعضينا
*في كلب بقدر يعضينا؟؟؟
سلك كهربا
ننساك كيف والكلب قال نحنا مابنعضي الرماح الا اذا افترقن تشتتا
وإلى لقاء
سلك
