بابكر سلك
*شكل المريخ الكبير جميل
*تشعر انو في كورة
*معناتو في شغل
*وشكل المريخ الصغير لايقل جمالا عن الكبير
*تشعر انو في مجهود بذل في اختيار العناصر الشابة
*يعني بقي عندنا (اسكليتون ) زي الورد
*ينبئ ببناء شاهق وجميل
*تبقي فقط ان يكون التشطيب بمستوي البناء
*والتشطيب ده بالذات داير تروي وصبر وخبرة في اختيار مواده وديكورست شااااطر يضع بصمتو علي اعمال التشطيب
*وده كووووولو داير صبر مننا
*موش نمل ونشيل عفشنا ونقول نسكن كدة ونشطب ونحنا جوة
*يجب الصبر علي اعمال التشطيب
*فقد نستعين ببعض الوجوه من المريخ الصغير لمرحلة التشطيب الاخير
*والحتة دي دايره اهتمام متعاظم بالمريخ الصغير لانو بعج بالمواهب
*ياخ شفتو الود بشة ده عمل مرجيحة كيف في ابو الهول محترف الهلال ولعب باص قون نتجت عنه ضربة الجزاء التي احرز منها قباني الهدف؟
*عجب جديد يلوح علي الافق
*يحتاج تربية احترافية واجهزة فنية متمكنة تصقل تلك الموهبة
*صبرنا علي الهدف سنوات
*وها نحن بفضل الله في الاول وبفضل صبرنا بدأنا في خطوات العودة لمريخ يعرف درب المطار جيدا
*وريحة المطار وحشتنا
*ومنو البعرف ريحة المطار غيرنا
*ولسة محتاجين صبر اكتر
*ومجلسنا محتاج لكثير من المنهجية والعلمية
*كي يجني ثمار مجهوداته المقدرة
*ايها الناس
*لاداعي للاستعجال في عمليات الابدال
*الصبر علي المواهب هو الدرب الذي تتفتح زهورها عليه
*ولا ننسي انه في عهد سوداكال ونحن محرومين من التسجيل
*كيف تفتحت مواهب وتطورت لانها اخذت فرصتها الكافية
*تتذكروا ضياء بالذات في البطولة العربية؟
*اذن الاستقرار، والصبر علي الصغار هو السياسة التي يجب ان تتبع في عملية البناء
*نحن لانريد ان نبني فريق بطولة
*يشيل بطولة ويقعد
*نحن نريد بناء فريق بطولات
*يعني يشيل بطولة ويتواجد في النهائيات دائما
*فهناك فرق كبير بين فريق بطولات وفريق بطولة
*البطولة نحمد الله عندنا من بدري
*شوفوا الناس الكايسين دربها وماسكين ابنص الجاز صاجة
*عشان كدة خلونا في منهجنا العلمي ده
*علي الجماهير الصبر
*وعلي المجلس ان لايعير ضغوطات البعض اهتماما ويتنازل عن منهجيته
*مايلخص مباراة رديف المريخ ضد عتاولة الجماعة ديك هو كلام المعلق
*المعلق قال بالانجليزي يامرسي
*ALHILAL are just young boyes infront of ALMAREEKH
*يعني الهلال عبارة عن اطفال صغار امام المريخ
*والدليل علي صحة كلام المعلق
*شوف نجم المباراة منو
*تقولي شنو وتقول لي منو
*ياخ ده خليهو
*منو فيكم متذكر تعليق المعلق لما بشة طوطح الراجل الكبير بتاع النص بتاع الهلال داك؟
*يابشة خليك بار يا ابني
*فالبر هو احترام ذو شيبة مسلم
*والراجل الفسحتو ده ذي، شيبة وذي، صلعة ومسلم كمان
*زول في العمر ده تطوطحو طوطيحة زي دي
*تضحك كيجالي كلها فيهو يا ولدي
*غايتو انا تاني ماحااقول بشة
*ولابقول مازن
*ولابقول مازن بشة
*حا اقول مازن وبشة
*الطوطحانية دي ماشغلت زول واحد
*ايها الناس
*واصلوا صبركم يرحمكم الله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا
*شايف في فك تسجيلات بدا لينا
*ناس من الخصم وقعوا لينا
*لكن السؤال هل حايتموا الموسم بين ظهرانينا
*ولا بتعتبر ليهم استراحة (محارب) والسنة الجاية يلعبوا لينا؟؟؟
سلك كهربا
ننساك كيف والكلب قال يلعبوا لينا اخير من يلعبوا بينا
وإلى لقاء
سلك
